ແຜນຍຸດທະສາດທີ 4: ພັດທະນາການຄົ້ນຄວ້າວິທະຍາສາດ ແລະ ບໍລິການວິຊາການ.

         ເພື່ອນຳໄປສູ່ການພັດທະນາມະຫາວິທະຍາໄລແຫ່ງຊາດໃຫ້ມີຄຸນນະພາບ ແລະ ນຳໜ້າຂອງ ຊາດ, ທຽບທັນກັບພາກພື້ນແລະສາກົນຕ້ອງໄດ້ເອົາໃຈໃສ່ພັດທະນາວຽກງານການຄົ້ນຄວ້າວິທະຍາສາດ ເຕັກນິກຂອງບັນດາຄູອາຈານໃນແຕ່ລະພາກວິຊາ ແລະຄະນະວິຊາໃຫ້ເຂັ້ມແຂງທັງສອດຄ່ອງ ກັບສະພາບເງື່ອນໄຂຕົວຈິງ ໃນການພັດທະນາເສດຖະກິດສັງຄົມຂອງປະເທດ ແລະ ຄວາມຕ້ອງການ ພັດທະນາ ວິທະຍາສາດເຕັກນິກສະໄໝໃໝ່ໃນອະນາຄົດໂດຍແນໃສ່ການປັບປຸງປະສົບການ, ຄວາມສາມາດດ້ານວິຊາການຂອງຜູ້ສອນແລະຜູ້ຮຽນໃຫ້ ເປັນທີ່ຍອມຮັບຂອງສັງຄົມໂດຍສະເພາະ ທາງດ້ານປະສິດທິຜົນໃນການບໍລິການເປັນທີ່ປຶກສາວິຊາການໂດຍ ເອົາໃຈໃສ່ບັນດາແຜນງານດັ່ງລຸ່ມນີ້:

ແຜນງານທີ 13: ສ້າງນັກຄົ້ນຄວ້າວິທະຍາສາດໃຫ້ຕິດພັນກັບການພັດທະນາເສດຖະກີດ-ສັງຄົມ.

• ຜະລິດນັກສຶກສາປະລິນຍາໂທ, ປະລິນຍາເອກໃຫ້ຫຼາຍແລະເລືອກຫົວເລື່ອງວິທະຍານິພົນ ໃຫ້ສອດຄ່ອງກັບການພັດທະນາຕົວຈິງຂອງປະເທດຊາດແລະສົ່ງເສີມນັກສຶກສາປະລິນຍາຕີທີ່ມີພອນສະຫວັນໃຫ້ເປັນນັກຄົ້ນຄວ້າ.

• ສົ່ງເສີມຄວາມສາມາດໃຫ້ຄູອາຈານໃນການຄົ້ນຄວ້າວິທະຍາສາດ.

• ສ້າງຄະນະກຳມະການຊີ້ນຳບົດປະລິນຍາໂທ,ປະລິນຍາເອກໂດຍໜູນໃຊ້ພະນັກງານບຳນານ.

ແຜນງານທີ 14: ສ້າງສູນຄົ້ນຄວ້າ ແລະ ເຄືອຂ່າຍການຄົ້ນຄວ້າວິທະຍາສາດ.

• ສ້າງສະຖາບັນ/ສູນຄົ້ນຄວ້າໃນລະດັບມະຫາວິທະຍາໄລທີ່ເປັນເຄືອຂ່າຍຂອງສະຖາບັນຄົ້ນ ຄວ້າຕ່າງໆພາຍໃນປະເທດ.

• ສ້າງເຄືອຂ່າຍການຄົ້ນຄວ້າວິທະຍາສາດກັບພາກສ່ວນຕ່າງໆທັງພາຍໃນແລະຕ່າງປະເທດ.

• ສ້າງພາກວິຊາປະລະມະນູນິວຄເລັຍເພື່ອຫັນເປັນອຸດສະຫະກຳ.

ແຜນງານທີ 15: ສ້າງຖານຂໍ້ມູນການຄົ້ນຄວ້າວິທະຍາສາດ.

• ສ້າງຖານຂໍ້ມູນນັກຄົ້ນຄວ້າ, ຫົວບົດ ແລະ ຜົນງານການຄົ້ນຄວ້າຂອງ ມຊ ແລະ ຂອງ ເຄືອຂ່າຍທັງພາຍໃນແລະຕ່າງປະເທດ.

• ສະໜອງຂໍ້ມູນ ແລະ ເຜີຍແຜ່ຜົນການຄົ້ນຄວ້າວິທະຍາສາດຢູ່ພາຍໃນມະຫາວິທະຍາໄລ ແຫ່ງຊາດ, ຢູ່ພາຍໃນປະເທດແລະສາກົນ.

ແຜນງານທີ 16: ຄຸ້ມຄອງ ແລະ ສົ່ງເສີມການຄົ້ນຄວ້າວິທະຍາສາດ.

• ປັບປຸງ,ສ້າງນິຕິກຳຄຸ້ມຄອງການຄົ້ນຄວ້າວິທະຍາສາດແລະການບໍລິການວິຊາການໃຫ້ຮັດກຸມ ແລະນຳໃຊ້ໄດ້.

• ສ້າງນະໂຍບາຍການຄົ້ນຄວ້າວິທະຍາສາດຂອງ ມຊ, ຈຸດປະສົງເປົ້າໝາຍ, ປະເພດ ແລະ ຂະບວນການຄົ້ນຄວ້າວິທະຍາສາດ.

• ປັບປຸງຫ້ອງທົດລອງ ແລະ IT ຢູ່ແຕ່ລະຄະນະວິຊາເພື່ອອຳນວຍຄວາມສະດວກໃຫ້ວຽກ ງານຄົ້ນຄວ້າວິທະຍາສາດ.

ແຜນງານທີ 17: ສົ່ງເສີມການບໍລິການວິຊາການ

• ສ້າງບໍລິສັດທີ່ປຶກສາຂອງ ມຊ

• ສ້າງສູນຝຶກອົບຮົມແບບຕໍ່ເນື່ອງ

• ສ້າງສູນເຄືອຂ່າຍກັບພາກສ່ວນຕ່າໆພາຍໃນແລະຕ່າງປະເທດ

• ອອກລະບຽບການຄຸ້ມຄອງລາຍຮັບ-ລາຍຈ່າຍຈາກການບໍລິການວິຊາການໃຫ້ຮັດກຸມ ແລະ ສອດຄ່ອງ.